Namhla sigqiba uhlelo lwethu ebesicwayisisa imbangela yokungaphumeleli kwabanye abahlabeleli besigaba seMatabeleland lanxa becula mnandi silengxoxo lomqondisi we Ingwe Studios lapho okuncindizela khona abahlabeleli abanengi koBulawayo, uZenzele Ndebele.
UNdebele uthi singakhohlwa ukuthi bakhona abahlabeleli abavela esigabeni seMandebeleni abafana labo Lovemore Majaivana, Nobuntum Jeyz Marababini, umuyi uSolomon Skhuza labanye asebeke baphumelela lanxa bevela esigabeni seMandebeleni.
"KoBulawayo kulabantu abangu 600 000 okutsho ukuthi abahlabeleli besigaba lesi kumele ba markete ingoma zabo ngaphandle kwedolobho leli lesigaba. Uzathola ukuthi abahlabeleli bako Bulawayo uyabe ehlabela, engu manager abenguye njalo ozipromothayo. Kodwa kuqakathekile ukuthi bayenze njenge business babelaba promothayo," kutsho uNdebele.
Uthi okuqakathekileyo yikuthi abahlabeleli kumele babone ukuthi ingoma zabo ziyathengiswa ebantwini lokhu okuthiwa ngesilungu yi marketing.
