Izulu selize laqala ukuna ezigabeni zelizwe ezinengi. Izulu leli liza vele sokonakele kwezinye izigaba zelizwe ezifana lese matabeleland south lapho izifuyo esezicube zafa.
Kwezinye izigaba ngokutshisa kade kukhona izilimo kade zihlanyeliwe sezitshile.
Sibelengxoxo lengcwethi kwezokulima, umnu. Mandla nkomo othi abalimi kumele bahlanyele inhlanyelo ephangisa ukuvuthwa.
“Ah, Chris, engingakutsho yikuthi izolo ebusuku izulu belisina lanmahla emini like laphinda lana futhi. Kodwa nxa sisithi siyakhangela ngaphambilini umumo wakhona ubungamhlanga nxa sikhangele ukutshisa lokuswelakala kwezulu. Thina sesilahlekelwe zinkomo ezimbalwa lamathole zisehlulekwa ukuthi zi recove ngomumo okhona,” kutsho uNkomo.
Uthi nxa kulandela izangoma zezulu, izulu lalonyaka belivele lizasilela kuze kufike umpalakazi kodwa ekupheleni kwenyanga kaZibandlela belizakubakhona.
UNkomo uthi lokhu kutshengisa ukuthi abalima amabele bazathwalanzima kakhulu.
“Thina isixwayiso esisinika abalimi, ikakhulu abalima okufana lomumbu lamabele yikuthi bahlanyele inhlanyelo ephangisa ukuvuthwa ngoba amanzi azasilela kakhulu,” kutsho uNkomo.
Uthi kulabo abafuyayo yikuthi abantu abangene esibayeni bakhangele ukuthi inkomo ezimitheyo kumbe esezizele babone ukuthi yizo ezithola kakhulu ngoba utshani egangeni abukahlumi kakhulu.
