amalinks wokungena

Breaking News

Imazoe le Scud Lokunye Okuswelakala Elizweni Sokuthengiswa eSouth Africa


UMNu. Cassius Jayz Simana Mpofu
UMNu. Cassius Jayz Simana Mpofu

Izizalwane ze Zimbabwe esezihlala kwamanye amazwe seziyizo eseziphethe impilo zezihlobo labangane ekhaya kulandela ukuqhubeka kokonakala komnotho welizwe.

Ngomnyaka odluleyo izizalwane zeZimbabwe esezihala phandle kwelizwe zathumela ekhaya imali edlula amabhililiyoni amahlanu.

Lanxa inengi lalabo abathumeza ukudla kuyilabo abahlala emazwe angomakhelwane afana le Botswana, Namibia le South Africa bakhona abathumeza ukudla behlala emazweni akude afana lele Bhilitane kunye leleMelika.

Ukuhlaziya loludaba uChris Gande weStudio Seven uxoxe lesizalwane se Zimbabwe esesihlala eSouth Africa, uMnu. Cassius Jayz Simana Mpofu ukuze sizwe okunengi ngalalodaba.

UMpofu uthi ngenxa yobunzima obusekhaya bayazama labo ukuthi khonoko okuncane abayabe bekutholile baphathise abaya ekhaya.

“Lakhon a kuyadula ukuthumela ekhaya kodwa akufana lokuthenga ekhaya ngoba okunye kwankhona akukho ekhaya esikufunayo,” kutsho uMpofu.

Uthi sebekhona abathengisa impahla ezisuka ekhaya zithiwa azikho kodwa sezithengiswa khonale eSouth Africa, okufana lotshwala bamasese imazoe lokunye.

Uthi kwesinye isikhathi intengo yempahla icina isiphindwe kabili ngoba abathwala impahla bafuna imali elingana lemali oyabe uyisebenzise ukuthenga ngayo.

please wait

No media source currently available

0:00 0:04:49 0:00

XS
SM
MD
LG