Inkampani yeDelta Corporation ithi ayiseyi kuqhubeka ngenyathelo layo lokuthengisa utshwala lenamnede ngedola leMelika kuphela ngemva kokukhulumisana lohulumende izolo.
IDelta ibibike ukuba izaqala namuhla ukuthengisa izinto lezi ngemali yakweleMelika kuphela ngoba kuyiyo efunakalayo nxa ithenga ekusebenzisa ukupheka utshwala lenamnede phandle kwelizwe.
Ngokunjalo, inkampani le ibithe kayiseyi kwamukela imali yohlobo lweBond lamaRTGs.
Kodwa ngemva komhlangano ewenze losaphethe isikhundla sikaMongameli, uMnu Constantino Chiwenga losibalukhulu weReserve Bank, uMnu John Mangudya, iDelta ithe isihlehlile ngoba uhulumende ethembise ukuyidingela imali yeMelika.
Ukuhlaziya loludaba uChris Gande weStudio 7 uxoxe lengcwethi ecubungula ezombusazwe, uMnu Thandeko Zinti Mnkandla.
