Odokotela abasafundela umsebenzi, abakade bekhalala umsbenzi, babikwa sebeqalisile ukubuyela emsebenzini.
Odokotelal laba bakhalale umsebenzi ngenyanga kaMpalakazi bathi bafuna uhulumende alungisise udaba lokusilela kokusebenzisa emsebenzini njalo ebabhadale iholo ngedola leMelika.
Kube lenkulumo ezimbalwa lomsekeli kamongameli welizwe, uMnu. Constantino Chiwenga onguye okhethwe ukukhokhela lezinkulumo kodwa akubanga lokuvumelana ngoba uChiwenga ubesethesa icala lokungenisa ezombusazwe kudaba lokukhalala umsbenzi.
Kwathi ngoLwesihlanu, odokotela laba bakhulumisane loNkosikazi Auxillia Mnangagwa, umka mongameli welizwe bamtshela ukuthi isifiso sokuphindela emsebenzini balaso kodwa kumele kuqale kulungisiswe ingxenye yezikhalazo zabo ebalisa imali abathi abasela ngitsho leyoku khona emsebenzini.
Abaphathi bezibhdela ezibalisa ezeHarare lako Bulawayo bathi odokotela bathi bakhangelele ukuthi iviki le isiyaphela bonke odokotela bayabe sebephendukile emsebenzini.
Sixoxe lomphathi wesibhedlela se Mpilo Central Hospital, uDokotela Solwayo Ngwenya ukuze sizwe obekusenzakala esibhedlela lesi.
“Kungaba liqiniso leli ngoba kusukela ekuseni babuye ehofisini bezobhala incwadi zokuthi sebephenduka lapho kade bekhalale khona umsebenzi,” kutsho uNgwenya.
Uthi odokotela laba bazinuyele bodwa bengabanjwanga ngamandla bazobhalisa ukuthi sebetshiya ukukhalala umsebenzi.
