Umumo elizweni usonakele wafika kusibanga esibi kulandela ukukhwezwa kwentengo yamafutha ezimota.
UMongameli Emmerson Mnangagwa izolo wenze isimemezelo esesigodlweni sakhe, iState House, esokuthi intengo yamafutha ezimota izakhuphuka ngokuphindwe kathathu isuka kumadola adlula kancane alikhulu lamacenti, $1,43 isiya kumadala amathathu lamacenti, $3,31.
Ezinye izitolo zibikwa zingavulwanga ngeSonto kuthi ezinye zibonakale zisethula impahla ukuze kulotshwe intengo entsha esikhuphukile.
Sixoxe lesiphathamandla sebandla lemdc, uMnu. Prince Dubeko Sibanda, njalo emela isigaba seBinga North edale lephalamende.
Kunjalo nje, abasekeli bebandla leZanu PF bathi lezi yizikhubekiso nje kuphela endleleni yokuyafika kunhlalakahle kazulu.
Sixoxe lesiphathamandla sebandla leZanu PF, uMnu. Believe Gaule, owake wamela isigaba se Tsholotsho South edale lephalamende ukuze sizwe imbono yakhe ngaloludaba.