Abanye sebesola abaqoqe ukutshengisela okwenzakalayo ngobudlwangudlwangu osubutshiye izitolo zigqekeziwe, imota zatshiswa lomonakala endaweni ezitshiyeneyo.
Kodwa abaqoqe lokhu kutshengisela bathi uzulu uthukuthele njalo ulambile yikho kulobudlwangudlwangu.
Ukuhlaziya loludaba sixoxe lesiphathamandla sebandla leMDC, uMnu. Edwin Ndlovu endawonye lengcwethi ecubungula ezombusazwe, uMnu. Bernard Bhekilizwe Ndlovu onguye osungula lingxoxo.
“Abantu bathu amanye ama shop wona lawo kade etshontshelwa asevaliwe okwamanje. So ezinye izinto ezifana labosinkwa noma bezidula zinzima ukuthenga azisekho okwamanje. Sokungabantu asebezilimaza bona ngokwabo,” kutsho uNdlovu.
UNdlovu yena uthi ukwenza kwabantwana bemuli ethile esikhathini esinengi kuyabe kutshengisa lapho abasuka khona, ukuthi basuka emulini enjani bawondliwe njani.
“Esikubona sokusiba lodlame, sokuba lokugqekezwa kwezitolo kutshengisa ukuthi abantwana be Zimbabwe basuka emulini enjani elomzali onguMnangagwa onjani,” kutsho uNdlovu.
