amalinks wokungena

Breaking News

Uhulumende weZimbabwe Sephindile Njalo Wacitsha Ubulembu beInternet


Uhulumende weZimbabwe sephinde wacitsha njalo ubulembu be-internet watshiya uzulu engenelisi ukuxhumana enkundleni zokukhulumisana ezifana leWhatsapp leFacebook.

Uhulumende ubeke wavala ubulembu lobu ngoLwesibili ngesikhathi uzulu ephakathi kokukhalala umsebenzi kodwa wabuya wabuvula ngoLwesithathu.

Khepha izolo ebusuku ubuye walaya amankampani abomakhalekhukhwini ukuthi avale njalo ubulembu lobu andubaza aze ewatshele ukuthi abuvule.

Inkampani yeEconet ithumele abantu abasebenzisa incingo zayo umbiko izolo ebusuku ibazisa ngaleli nyathelo.

Uhulumende uvale i-internet okwesibili lanxa emangalelwe emthethwandaba weHigh Court yinhlanganiso yamagqwetha eyeZimbabwe Lawyers for Human Rights imanyele leyeMISA Zimbabwe.

Abalwela ukulondolozwa kwelungelo loluntu bathi okwenziwa nguhulumende lokhu kuveza sobala ukuthi akawahlonipho amalungelo kazulu.

please wait

No media source currently available

0:00 0:02:43 0:00
XS
SM
MD
LG