amalinks wokungena

Breaking News

Imibuzo Yokuthi uMnangagwa Kakhethwanga Ingaba Ibangela Indubo Elizweni?


UMongameli Emmerson Mnangagwa egcotshwa.

Imibuzo eyabakhona kulandela ukukhethwa kukamongameli Emmerson Mnangagwa ukuba ngumongameli egoqela ukuthi waqilibezela kukhetho, ingaba yiyo ebangela indubo zelizwe na?

Amazwe angentshonalanga amanengi afana lele Bhilitane le France ayethembise ukuthi azaphathisa ele Zimbabwe ngemali lokunye ngemva kokhetho.

Kodwa imibuzo eyasala ilokhu ibuzwa ngabanengi ngokhetho lanxa umthethwandaba wathi uMnangagwa wakhethwa okusemthethweni ikhanya ilokhu igwenxa ingqubelaphamabili.

Ingcwethi ecubungula ezombusazwe, uMnu. Bhekilizwe Bernard Ndlovu uthi udaba lokungakhethwanga kahle ngolunye lokubanglea udubo kudo ayisilolodwa.

Umongameli Mnangagwa uthi nxa ukhokheli webandla leMDC, uMnu. Nelson Chamisa, engavumanga ukuthi yena nguye owanqoba kukhetho kasoze avume ukuthi bahlale phansi bakhulumisane ngokuthi ilizwe liye njani phambili.

Kodwa ingcwethi ecubungula ezombusazwe, uMnu. Zenzo Nkomo uthi nxa udaba lolu lungalungisiswanga olokukhethwa okusemthethweni abazosungula amabhizimusi abasoze babuye elizweni.

Umongameli Mnangagwa ubikwa engaphendulanga incwadi ezinhlanu azithunyelwa nguChamisa ukuthi baxoxisane. Sibuze uNkomo ukuthi kambe loludaba lungaxazululwa njani?

Umkhokheli webandla leMthwakazi Republic Party, uMnu. Mqondisi Moyo laye uthi udaba lokungakhethwanga kahle kukaMnangagwa luludubo.

UMoyo uthi udaba lolu luzakwala lokhu lungalungisiswa ngoba iziphathamandla zikahulumende ezinengi yizo ezilamabhizimusi athuthukayo nxa umumo umi manzonzo.

UMnangagwa wathi ethatha intambo zombuso wathembisa ukuba ngumongameli olesineneke njalo ovule amasango elizwe. Kodwa lokhu kukhanya kuyize.

please wait

No media source currently available

0:00 0:04:53 0:00

Facebook Forum

XS
SM
MD
LG