amalinks wokungena

Breaking News

Donald Trump: Sokulabesifazane Abanengi Edale le Congress


Umongameli Donald Trump
Umongameli Donald Trump

Umongameli weleMelika uMnu. Donald Trump uthi lumnyaka kulabesifazane abanengi kakhulu edale le congress okungakaze kubonakale.

UTrump ukhulume lokhu esethula umbiko wesimo sesizwe, iState of The Union, phambi kwamadale omabili awe congress izolo.

Inani labesifazane, ikakhulu abakubandla eliphikisayo elama Democrats liqansile kakhulu kulandela ukhetho olwenziweyo ngenynga kaLwezi nyakenye.

UTrump uthe ukuqonga kwenani labesifazane edale kutshengisa ukuthi ilizwe liyaqhubekela phambili ngentuthuko.

"Ngemva kweminyaka elikhulu kwethulwa umthetho wokuthi abesifazane bengavota sesilenani elikhulu kakahulu lasesifazane edale le congress," kutsho uTrump.

UTrump uthi ilizwe leMelika lizaqhubeka lifakela imithelo amazwe afuna ukuthuthuka ngokuthengisela eleMelika impahla elemithelo yaphezulu:

"Esinye isivumelwano esilaso yiPalma, esibi kakhulu. Sikufaka sobala kulzwe le China ukuthi ngemva kweminyaka besiphatha luklubhu sokufike emaphethelweni," kutsho uTrump.

Wengezelele esithi ilizwe leMelika lifuna ukubambana livuselele lokwakha imigwaqo lezakhiwo esezifadalele.

"Ngilesifiso sokusebenza lani ukuthi sakhe izakhiwo ezintsha sisebenzisa ulwazi lwalezinsuku. Ayisio sifiso kodwa yindingeko. Sifuna ukwehlisa intengo yemithi lokuvikela izigulane," kutsho uTrump.

UTrump uthe kuyadanisa ukubona amakhomidi edale le congress abunjwayo ngenjongo yokumcubungula.

Kodwa ophe umbono wokuphikisa amazwi ka Trump, uNkosazana Stacey Abrams usole uhulumende ka Trump esithi uhulumende lo ufuna ukudabula izimuli phakathi esithi eleMelika lakhiwa ngabantu bokuza.

UAbrams uthe pahsni kukahulumende ka Trump inengi liphila nzima ngokuswelakala kwemisebenzi.

"Ukuphatha kuhle abangena elizweni akufani lokuvumela abantu ukungena. Umonameli Reagan wakuzwisisa lokho, uMongameli Obama wakuzwisisa lokho lozulu weleMelika wakuzwisisa loho," kutsho uAbrams.

Lo ngumbiko wesibili owesimo sesizwe, istate of the union address, osuphiwe nguTrump.

please wait

No media source currently available

0:00 0:03:13 0:00

XS
SM
MD
LG