Umsekeli kamgcinisihlalo webandla leMDC uMnu Tendai Biti ufunyanwe elecala lokwethula impumela yokhetho lukaMongameli nyanyeke ngokungekho emthethweni.
Ngokunjalo, umantshi umethese isigwebo sokuhlawula amadola angamakhulu amabili kanye lokupika okwenyanga eziyisithupha.
Kodwa isigwebo sokupika sabekwa eceleni waxwayisa ukubana akamelanga adale elinye icala elifanayo phakathi kweminyaka emihlanu elandelayo.
UBiti wethula imphumela yokhetho eyayiveza ukuba umkhokheli weMDC Alliance, uMnu Nelson Chamisa, nguye owayenqobile kukhetho, okuyinto uhulumende athi wayengamelanga ayenze.
Ekhuluma lentathelizindaba phandle komthethwandaba lapho amukelwe khona yinkokheli yeMDC egoqela uChamisa labanye, uBiti uthe isigwebo asiphiweyo siveza ukuthi akala cala njalo uzaphikisa isigwebo sakhe edale leHigh Court.
