amalinks wokungena

Breaking News

KuWoza Friday Sileqembu le Disciples of Jesus Christ


Iqembu le Disciples of Jesus Christ
Iqembu le Disciples of Jesus Christ

Kuloluhlelo sikhuluma labahlabeleli abatshiyeneyo abacula lokutshaya imdumo yengoma ezitshiyeneyo.

Kubakuhle ukuthi sazi imbali yeqembu leli elicula ezokholo. Siyalamukela mahaka akoSibanda.

“Siya bonga Tshisa eeeeeh iqembu le The Disciples of Jesus Christ Gospel group liqembu elisungulwe ngo mnyaka ka 2015 lona lisungulwa ngu Hlengani lo Mpenduloyenkosi Sibanda. Sisuka endaweni yase Nyathi, esgabeni sase Lonli Mine. Yikho lapho esqalele khona ukucula. Saya saqhubeka silokhu sicula sinjalo kwaze kwafika ithuba lokubana si recode ialbum yethu yokuqala elithi uMose wayibona. Si rekhodela eHouse of Rising Sounds Studios,” kutsho uSibanda.

Igama laleliqembu silibona ebhayibhalini, ngabafundi bakaJesu.

USibanda uthi: “Eeeeh leli gama sali thatha embalweni, ngoba uJesu wathi kubafundi bakhe, wathi, “hambani umhlaba wonke nishumayele ivangeli. Linga mthola okholwayo, limbhabhathize emagameni amathathu, elika yise, lele ndodana lelika moya oyi ngcwele. Ingakho sasesikhetha ukuzibiza the Disciples of Jesus Christ Gospel group. Okwamanje seliphethe amalunga ayisthupha agoqela uPrimore Moyo, Hlengani Sibanda, uMpenduloyenkosi Sibanda, Sambulelo Moyo no Sindisiwe no Mthokozisi Sibanda.”

Woza Friday namuhla sibusiswa zingoma ezihlabusayo ezokholo sileqembu Disciples of Jesus Christ Gospel Group. Akutsho selilamadlalade amangaki?

“Sesi lama dlalade ethu amathathu; uMose wayibona esayi khupha ngo 2015, ilandelwa ngeka 2016 ethi Umbonge uJehova, ilandelwa ngethu uMoya wami esiyikhiphe ngomnyaka ophelileyo ngo December. Wonke lama dlalade siwa recode e House of Rising Sounds Studios,” kutsho uSibanda.

Lizwibani elingaliphosela kuzulu ikakhulu abalandeli benu lingakatshayi phansi.

“Linga pheli mandla balandeli bethu. Liqhubekele phambili lisi sekela kakhulu mihla yonke ngoba kasilutho thina ngaphandle kwenu. Ma ungabe udinga umculo wethu ungakwazi ukuthi ungawu thola kanjani, ungakwazi uku xhumana naphi ama Disciples sikunike ingoma zethu. Inumber zethu zithi zona 0775404094. Siyabonga, maniqhubeke nisisekela njalo. Inkosi yomusa ibe nani,” kutsho uSibanda.

Besikwejise ngengoma zokholo, ezihlabusayo eziculwa yuDisciples of Jesus Christ Gospel Group, iqembu eliphuma koNtuthuziyathinqa.

please wait

No media source currently available

0:00 0:05:18 0:00

XS
SM
MD
LG