Abamasonto Bathumela Abahlaselwe Lizulu Lesiphepho Uncedo

Abamasonto atshiyeneyo koBulawayo babuthene kulelidolobho ngoLwesithathu bekhulekela imuli ezihlaselwe lizulu lesiphepho, uCyclone Idai.

Baqhubeke njalo ngemizamo yabo yokuqoqa uncedo olugoqela ukudla, ingubo, izigqoko lokunye okutshiyeneyo okokuphathisa abawelwe yilingozi.

Loluncedo luzathunyelwa kuzulu weManicaland ngoLwesine, kutsho isiphathamandla somanyano weChristian Alliance, uMnu Useni Sibanda.

Uzulu weZimbabwe jikelele kunxa zonke zelizwe laye uphakathi kokuqoqa uncedo lokuphathisa abantu beManicaland.

AbeAfrican Union laseSadc labo sebethumele uncedo lwemali lokunye okutshiyeneyo.

EleMelika lona lazise ukuthi lizaphathisa nge$100,000 ezaphathwa yiUSAID incedisana lenhlanganiso ezizimeleyo.

Uhulumende uthi lanxa engakabi lenani labafileyo eliqondileyo, unakanela ukuthi bedlula amakhulu amathathu, 300.

Embed share

Ingxoxo loMnu Useni Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:20 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala