Umongameli Emmerson Mnangagwa izolo uyekhalela ababhubhe engozini yezulu lesiphepho esigabeni se Manicaland ngokuya esontweni ye Methodist, elokitshini le Malbereign eHarare.
NgoMgqibelo uMnangagwa usuke elizweni waya kwele Angola okucunule abanye abathi ubengamelanga asuke elizweni ngoba bekulilanga alifaka eceleni kunye lelangesonto ukuthi kukhalelwe ababhubhayo engozini yezulu leli.
Kodwa uMnangagwa uphange waphenduka ngobusuku balelo langa.
“Njengabantu kazana asikwazi okuzenzakala kusasa kodwa umdali nguye yedwa okwaziyo,” kutsho uMnangagwa.
Kunjalo nje, kubikwa kungakafikeki kwezinye indawo ezatshaywa lizulu lesiphepha leli elaphiwa igama lokuthi Cyclone Idai.
Lokhu kwenza abahlengayo, ababilisa abakahulumende labazimeleyo, besabele ukuthi lapho befika endaweni ezingakafikwa balakho ukubona ezinye izidumbu phezu kwalezo ezingamakhulu amabili lamatshumi amathathu la thoba munwe munye, 239.
Sixoxe lesakhamuzi se Checheche khonale eManicaland, uNkosazana Sally Mlambo.
