Namhla sisungula inhlelo ezihlaziya udaba lwamaprofitha alodumo ayenza izimanga.
Kanti kutheni abantu bedliswa utshani lenyoka, abanye bevuswa kogoqwa nyawo?
Kulendaba ezinengi ezivela emacaweni ama profitha alezinsuku athi enza izimanga.
Osungula loluhlelo ngumfundisi Anglistone Sibanda.
“Okwakuqala asiyali ukuthi izimanga ziyenzakala. UJesu usayenzi izimanga, umoya ongcwele usayenza izimanga. Kodwa izimanga ezenziwa ngu Jesu akuseyikho okwenziwa ngabantu. Abantu bayabe bebhombadiwe nge propaganda, kuthiwa yiku hypnothayizwa,” kutsho uSibanda.
Uthi abantu bayabe sebebanjwe ingqondo njengalokho okwenziwa ngabezompolitiki. Uthi abanye bengakubulala nxa uphikisana labo.
Uthi izimanga zeqiniso azidingwa njengalokho okwakusenzakala ebhayibhilini.
“Hayi lezi izimanga zokuthi umuntu uyaqatshwa ayengena ebhokisini, azenze umuntu ofileyo besokuthiwa yisimanga,” kutsho uSibanda.
Uthi kodwa ekucineni kuyavela ukuthi bakhuluma amanga.
