Owakhethwa kuminyaka emibili esanda kwedlula ukucubungula udaba lokuthi umongameli Donald Trump engaba wasebenzelana na lelizwe le Russia kukhetho lomnyaka ka 2016, uMnu. Robert Muller ugqibe umsebenzi wakhe izolo esithi uTrump umsulwa.
UTrump uhle wazitshaya isifuba wathi konke kade kusenzakala bekuyikumdinga ubuthakathi yena engaloyi.
Abanye abakubandla eliphikisayo elama Democrats babesithi uTrump kumele axotshwe esikhundleni kusetshenziswa ivoti yedale lepahalamende, iimpeachment ngesilungu phezu kodaba lonolu.
Sokuzakubanzima ukuthi lelidale limthathele amanyethelo lanxa kuthiwa kulamakhomidi ambalwa alelidale acubungula uTrump ngokuthi akula yini ubugilimbane abenzayo emsebenzini wakhe.
Kodwa uMuller kazange athi uTrump ulecala na kudaba lokwenqabela umsebenzi, iobstruction ngesilungu kumbe hatshi. Ukuhlaziya loludba sixoxe lesizalwane seZimbabwe esihlala ngapha kwele Melika, uMnu. Quite Ncube.