WASHINGTON DC —
UMongameli Emmerson Mnangagwa usuke elizweni ngoMvulo emini esiya kweleSouth Africa ukuyaphatheka emhlanganweni weSADC.
Injongo yomhlangano lo ngeyokutshengisa uxhaso ebantwini beSaharawi, yona eyathunjwa yiMorocco ngomnyaka ka1975 njalo elokhu iphansi kombuso walelilizwe.
Lolu luhambo kukaongameli Mnangagwa olwesithathu phakathi kwensuku ezinhlanu. NgoMgqibelo ubeseAngola emkhosini wamabandla akhulula amazwe awo embusweni wabelungu.
Okucunula abantu abanengi yikuthi uMnangagwa uhamba ngendizamtshina ayabe eziqhatshe zisuka kweleUnited Arab Emirates ezibhadalelwa nguzulu. Inengi lithi udlalisa imali.