amalinks wokungena

Breaking News

Ukunqoba Kwe Zanu PF Kukhetho LwakoBulawayo Kunga Kutshengisani?


UMnu. Collet Ndlovu, omunye wabakade bencintisa kukhetho.

Ukungqoba kwelunga lebandla leZanu PF, uMnu. Kidwell Mujuru kukhetho lokudinga ukhansila ka ward 28 koBulawayo eCowdray Park, bekuvele kukhangelelwe ngabanengi kulandela ukumelwa ngamalunga amabili okwenziwe libandla leMDC.

Kodwa limpumela itshengisa ukuthi lanxa abamele iMDC, uNkosazana Nomagugu Mloyi loMnu. Collet Ndlovu bengahlanganisa amavoti abo bobabili aweneli ukuthi ngabe benqobe uMujuru.

Kodwa ezinye ingcwethi zithi ibandla leZanu PF lingazitshayi sisfuba lithi selinganqoba ko Bulawayo ngoba inani labantu abavotileyo, eledlula kancane inkulungwane ezimbili, 3 000 lincane kusigaba seCowdray Park sona esilabantu abedlula inkulungwane ezingamakhulu angamatshumi amabili lantathu, 23 000.

UMnu. Mujuru, owe Zanu PF, uthole amavoti afika phose inkulungwane ezimbili, i 1899, uNkosazana Mloyi, obemele iMDC-Alliance uthole adlula kancane inkulungwane, i 1229, kwathi uNdlovu(MDC-A) 221 USithandekile Mhlanga weStudio Seven uxoxe lesiphathamandla seZanu PF, uMnu. Joseph Tshuma, ukuze sizwe ukuthi bamukele njani impumela yalolukhetho.

please wait

No media source currently available

0:00 0:02:18 0:00

Kunjalo nje, abazi ngokwenzakala kubandla leMDC bathi ababili abancintisileyo bemele lelibandla, uNkosazana Nomagugu Mloyi loMnu. Collet Ndlovu, baxhaswe ngamacele asekela umkhokheli webandla leli, uMnu. Nelson Chamisa lelinye elisekela unobhala jikelele webandla uMnu. Douglas Mwonzora.

USithandekile Mhlanga weStudio Seven uxoxe loMnu. Collet Ndlovu, omunye wabancitise bemele ibandla leMDC othi zinengi izizatho ezibangele ukuthi banqotshwe kukhetho.

please wait

No media source currently available

0:00 0:02:18 0:00

Lokhu sikudaba lunye, ingcwethi ecubungula ezombusazwe, uMnu. Ambrose Sibindi uthi okungaba kubangele ukuthi ibandla leMDC lingqotshwe yikukhethela abantu abazabamela.

please wait

No media source currently available

0:00 0:02:24 0:00

Facebook Forum

XS
SM
MD
LG