Ibandla leMDC eMatabeleland North namuhla lizakwenza umhlangano walo wokukhetha inkokheli yalesisigaba kanye labazancintisa kuCongress yalelibandla ngenyanga ezayo.
Izigaba zalelibandla esezenze okufanayo ngeseMatabeleland South leseMelika.
Izigaba zombili zikhethe uMnu Nelson Chamisa ukuthi abe nguye oncintisa esikhundleni akuso kuCongress alubana kuthe kwabakhona oncintisana laye.
Unobhala jikelle weMDC uMnu Douglas Mwonzora, yena obikwa elesifiso sokuncintisana loChamisa, kakatholi isigaba esima laye.
Umthetho webandla leli uthi ukuze umuntu ancintise kuCongress, kumele akhethwe yizigaba.
Ukuxokozela okukhona kuMDC sokutshiye uzulu elembono etshiyeneyo ngalelibandla. Abanye sebethandabuza ukuthi ibandla leli lingabusa ngobuqotho nxa lithe langena embusweni.
UChris Gande weStudio 7 uxoxe lengcwethi ecubungula ezombusazwe, uMnu. Rejoice Ngwenya ukuze sizwe imbono yakhe ngaloludaba.
