amalinks wokungena

Breaking News

Intengo Yesinkwa Iyakhwela Ngesikhathi Izisebenzi Zikahulumende Zingezelelwa Iholo Lazo


Isinkwa

Uzulu uthe evuka ngoLwesibili wahlangano lokuqansa kwentengo yesinkwa ngesilinganiso esiphindwe phose kabili.

Lokhu kwenzakala ngemva kokuba uhulumende engezelele iholo lezisebenzi zakhe ngesilinganiso esingamatshumi ambili lasithoba munwe munye.

Isinkwa besithengwa ngamadola amabili lamasenti angamatshumi amahlanu, $2.50 kodwa namhla sivuke sesithengwa ngamadola amathathu alamasenti angamatshumi amahlanu, $3.50.

Inhlanganiso yabachola amabele layo ithi isithumele uhulumende umlayezelo wokuthi amalunga ayo asezakhweza intengo yempuphu.

Esinye isakhamuzi se Binga esingumlaleli we Studio Seven sithi intengo yempuphu isivele isikhweziwe. Impuphu eyisisindo esingama kilogram angamatshumi amahlanu, 50kgs, ibithengwa ngamadola angamatshumi amathathu lantathu, $33, kodwa intengo isikhwezwe yaba ngamadola angamatshumi amahlanu lanhlanu, $55.

Konke lokhu kwenzakala kulokusilela kwamafutha ezimota elizweni indwendwe zikhwela mihla le mihla.

please wait

No media source currently available

0:00 0:04:29 0:00

Isakhamuzi sako Bulawayo, uNkosikazi Duduzile Nyathi uthi ubunzima bempilo sobufike kusibanga esibi kakhulu.

Esinye njalo isakhamuzi sako Bulawayo, uMnu. Ray Phiri uthi intengo ikhanya ikwele ngoba izisebenzi zikahulumende zikhwezelwe iholo lazo.

Ingcwethi ecubungula ezomnotho, uMnu. Rejoice Ngwenya utshele iStudio Seven ukuthi ngendlela umumo oqhubeka osonakala ngawo kungaba lokunye njalo ukutshengisela phezu kokonakala komnotho welizwe.

Uhulumende wayethe kufika linyanga intengo yempahla ezitolo lembadalo ezitshiyeneyo ziyabe sezehlile.

Facebook Forum

XS
SM
MD
LG