WASHINGTON DC —
Ngesikhathi ilizwe leZimbabwe lifikisa iminyaka engamatshumi amathathu lasithoba munwe munye inengi lithi limpilo isinzima kakhulu kulesikhathi sombuso wabahuquluzi benotho.
Inkulungwane zabantu sezasuka elizweni zayaphephela emazweni angomakhelwane.
Njengabosowabo abahlala phandle kwelizwel abo bazakuba lemibuthano emazweni la. Ngapha edolobheni le Washington DC izizalwane ze Zimbabwe zizabuthana kwelinye igceke elithiwa Potomac Woods Park ngoMgqibelo.
Kwele Bhilitane lamanye amazwe lakho kuzakuba lembuthano efanayo. UChris Gande we Studio Seven uxoxe lesizalwane seZimbabwe esihalala kwele Bhilitane, uMnu. Difa Wajapi Bango ukuze sizwe imbono yakhe ngaleli langa.