Ugwalo olumumethe impumela yophenyo lukaMnu. Robert Mueller olalucwayisisa ukuthi umkhankaso kaMongameli Donald Trump wancedisana na lelizwe eliyisitha semelika, ele Russia kukhetho lomnyaka ka 2016.
Kuleziphathamandla zomkhankaso ka Trump ezatholakala zilamacala angayisilo uqobo elokusebenzelana lele Russia.
Impumela yaluphenyo itshengisa ukuba uTrump wayezama ukuvimba loluphenyo njalo, njengokutsho kukamnu. Mandla Mkhwananzi esixoxa laye, kukhona okutshaya amanzi kudala lolu.
"Okokuqala ugwalo lolu osoluphile lukhulu kakhulu.Abanengi, ikakhulu abammeli bakuthi bangapha bathi abakalubali baluqeda ngoba lugalo olulamakhasi afika amakhulu amane, 400 pages," kutsho uMkhwananzi.
Uthi njalo kukhanya kulensolo kulokho okwacitshwayo abanye abathi kumele kuvezwe.