Kuzigaba zama province ebandla leMDC eziyisithoba munwe munye, abalisa lesakoBulawayo, esezikhethe inkokheli kulabesiBdebele abalutshwana kakhulu.
Lakunkokheli emqoka ebalisa umkhokheli labasekli bakhe abathathu kwezinye izigaba kukhethwe abesishona kuphela.
Lokhu kutshiye abanye bebuzana ukuthi lelibandla alisoze licine liswela uswekelo ezigabeni zeMandebeleni ezilenkokheli yesiNdebele eyebandla leZanu PF ezigabeni lezi?
Sixoxe lengcwethi kwezombusazwe, uMnu. Dumisani Nkomo, othi mpela kumele udaba lwemihlobo lulingisiswe.
"Kade kuqakathekile ukuba bafake abantu abavela ezigabeni zeMandebeleni ngoba okwenzakale kathesi kukhanya bebalutshwana abavela eMatabaleland," kutsho uNkomo.
Kunjalo nje, osanda khethwa ukuba yisikhulumeli sebandla leMDC koBulawayo, uMnu. Swithun Chiroodza uthi udaba lwemihlobo ayisiyondaba emqoka kubo ngoba bekhangelele ukusebenzela uzulu wonke wesigaba seMandebeleni.
"Ngiyaqala ukukuzwa khonoko ukuthi bakhona abakhononayo ngoba ngabe kwenzakele ngabe sesithole izincwadi," kutsho uChirowodza.