amalinks wokungena

Breaking News

Kuhlelo Lwe Gukurahundi Sixoxa Loloyise Owathunjwa, Wanyamalala


Imota yebutho.
Imota yebutho.

Namhlanje kuhlelo lweziphathelane leGukurahundi sixoxa loMnu. Joel Phambano Ndebele oweSilobela esigabeni seMidlands, yena othi uyise wathunjwa ebusuku ngomnyaka ka 1983 elabanye omakhelwane, kuze kube lanamuhla akwaziwa ukuthi bangaphi.

UNdebele uthi: “Vele kuyazakala ukuthi wathathwa ngobani. Isigaba sonke siyakwazi ukuthi imota yakhona kwakuyimota eyi twincab eyayingathi iyi army green.”

Uthi izakhamuzi zabachaza njengamapholisa ensitha, ama CIO ababutha abantu esigabeni bahamba labo lapho abahle banyamalala ngomnaka ka 1983.

Uthi kwabonakala igazi elaligeleza emoteni le nxa lapho izakhamizi zilonda imota le.

UNdebele uchasisele uSithandekile Mhlanga weStudio 7 ukuthi wagcina njani abanawakhe njengezibulo, kanye lembono yakhe ngemizamo eyenziwa nguhulumende ngaloludaba.

UNdebele uthi ngoba nguye owayemdala wabona kungcono ukuthi atshiye isikolo ukuze adinge umsebenzi njengezibulo awondla abanawakhe abangamatshumi amabili lamathathu, 23.

“Kulabe ZimRights abazama ukusincedisa abo Nicholas Ndebele kodwa kwehlula. Ikanti abantu babesesaba ukukhuluma ngakho,” kutsho uNdebele.

Uthi kwagcwala imbiko etshiyeneyo eminye isithi babonakele eMozambique, abanye bathi baphoselwa egodini eliseduze lesonto yeRoma kodwa bona babengakholwa.

Uthi umnyaka kwakungu 1983.

please wait

No media source currently available

0:00 0:04:45 0:00

XS
SM
MD
LG