Ukunxuswa kuka mongameli wele ugunda, uMnu. Yoweri Museveni, oyazakala ngokubusa ngocuku, ukuvula umbukiso we Zimbabwe International Trade Fair sokudale inkulumo.
Inengi elichothoza lelinyathelo ngelithi imbali ka Museveni kayihlambulukanga. Umkhokheli weMDC, uMnu. Nelson Chamisa ngomunye wabasole ukunxuswa kuka Museveni esithi lokhu kutshengisa ukuthi uMnangagwa ulengqondo efana leka Museveni.
UMuseveni, oseleminyaka yokuzalwa edlula engamatshumi ayisikhombisa, 74, walela embusweni.
Sebuse okweminyaka engamatshumi amathathu lantathu, 33 years.
Ngomnyaka ka 2005 uMuseveni waguqula isisekelo sombuso welizwe ukuze singamenqabeli ukubusa ukwedlula amahlandla amabili.
Kwathi ngomnyaka ka 2017 waguqula isisekelo sombuso njalo ukuze enelise ukubusa yena sedlule iminyaka efakwe emthethweni.
Wazakala njalo ngokunyathezela abaphikisa imbono yakhe ngocuku. Sikhuluma nje kulosakhulayo omphikisayo, uBobi Wine ovalelwe ejele ngoMvulo ngezizatho ezingaqondakaliyo.
UMuseveni lo Mnangangwa izolo ntambama bahlangene eHarare badla ukudla kokusihlwa belindele ukuvukela ko Bulawayo namuhla.
Ukuhlaziya loludaba sixoxe lesizalwane seZimbabwe esihlala kwele Bhilitane, uMnu. Difa Wajapi Bango.
