Ibandla leMDC-T elikhokhelwa nguNkosazana Thokozani Khupe lithi lizakhangela ukuthi induku loxakuxaku kuzawela ngaphi.
Unobhala jikelele webandla leli, uMnu. Abednicho Bhebhe utshele uChris Gande we Studio Seven ukuthi isinqumo lesi asila lokwenza labo lanxa ibandla labo liqanjiwe ngumahluli.
"Thina asingeke sibe lenkulumo ukuthi umthethwandaba unqumeni ngoba okwakuqala yikuthi ilizwe lelizwe lilemthetho yalo. Lokwana okokuthi ilizwe ngalinye ngalinye lilemithetho yalo," kutsho uBhebhe.
Lokhu sikudaba lunye ingcwethi ecubungula ezomthetho, uMnu. Matshobana Ncube uthi bazagoqa izandla bakhangel okwenzakalayo ngoba bona bengayisibo umamangala kumbe umamangalelwa.
"Isingqumo lesi singama lama challenges ambalwa; esakuqala yikuthi iparty le eyayikhona iMDC-T eyayikhokhelwa nguMnu. Tsvangirai isikhokhelwa nguNkosazana Thokozani Khuphe osawayenzwa icongress yebandla lakhe. Le eka Chamisa ingene kukhetho ithiwa yi MDC Alliance," kutsho uNcube.
Uthi ekugcineni umahluko yikuthi amabandla la asehlukene ngalokho kuzakubanzima ukuthi isingqumo silandelwe.