Kube lokuqhaqhazela lokuphithizela okukhulu eMangubo Primary School, ePlumtree, emangweni wakoMadlambudzi ngoLwesithathu lapho abantwana abaqhuba izifundo zikaGrade Zero abaqale khona ukuhlanza ngemva kokudla intanga zesihlahla seJatropha.
Abantwana laba, abaphose bafike amatshumi amathathu, baphange bagijinyiselwa esibhedlela sakoHingwe lapho abafike belatshwa khona basebekhululwa, ngokutsho komunye umongi ongafunanga ukubethwa ngegama.
Izehlakalo zabantu, ikakhulu abafundi abasuke bagule ngemva kokudla isihlahla seJatropha zibhahile kakhulu njalo esinye sike senzakala koBulawayo kunyanga ezisanda kwedlula.
Udokotela Elopy Sibanda utshele umsakazo weStudio 7 ukuthi isihlahla lesi siyingozi enkulu ebantwini njalo kasimelanga sidliwe loba sokutheni.
