Umhlangano webandla leMDC elikhokhelwa nguMnu Nelson Chamisa wokukhetha inkokheli entsha oweCongress uqalile ngoLwesihlanu eGweru.
UChamisa uzakhethwa ukuthi eqhubeke engumholi walelibandla ngoba akulamuntu oncintisana laye.
Kodwa abasekeli bakhe abathathu lezinye iziphathamandla bazakhethwa nguzulu weMDC ngempelaviki.
Abancintisa esikhundleni sowesifazana oyedwa omele abe ngomunye wabasekeli bakaChamisa babalisa uNkosikazi Lynette Karenyi, uLillian Timveos loTracy Mutinhiri.
Abancintisa kwezinye izikhundla zabasekeli bakaChamisa njalo ezimbili abesilisa nguMnu Welshman Ncube, uMnu Tendai Biti, uMnu Elias Mudzuri loTendai Biti.
Kuzakhethwa njalo unobhala jikelele webandla lenkokheli yogatsha lwabasakhulayo, olwabesifazana kanye lolweNational Standing Committee.
Sixoxe lesikhulumeli sikaChamisa uDr. Nkululeko Sibanda yena othi uhamba kuhle umhlangano wabo.
