Isidumbu sikamuyi uMnu. Dumiso Dabengwa ophiwe inhlonipho yesizwe sesikhangelelwe ukufika elizweni namuhla ngemva kokwehluleka ukusuka kwele South Africa izolo.
Imuli lezihlobo zikamuyi zisele zilembibuzo yokuthi kanti isidumbu sisele njani eSouth Africa yena umkakhe labanye kade besikhaphile bengenile kundizamtshina ye Airlink.
Kulembiko ethi batshelwe ukuba ibhokisi afakwe kulo likhulu kakhulu okokuthi alenelisanga ukukwana endizamtshineni.
Kodwa banye bathi akwenzakali ukuthi ibhokisi lomuyi lingeneli ukungena kundizamtshina ngoba inkulu njalo ihlala ithwala amabhokisi alingana lelikamuyi.
Sixoxe lesiphathamandla sebandla leZapu, uMnu. Strike Mkandla saqala ngokumbuza ukuthi ibandla lemukele na ukuphiwa isicoco seqhawe lesizwe, iNational Hero?
