Uhulumende uqhubeka ebopha abalwela ilungelo loluntu ebethesa icala lokufuna ukumgenqula esihlalweni.
Izolo amapholisa abaophe unkosazana joanna mamombe olwela ilungelo likazulu njalo elilunga lebandla leMDC egcekeni lendizamtshina ye Harare evela phandle kwelizwe.
Kuyonale iviki kubotshwe abanye abathathu ababalisa uNkosazana Rita Nyamupinga.
Kuthi ngeviki edluleyo kubotshwe abanye njalo abahlanu abathi uNkosana Tatenda Mombeyarara owenhlanganiso ye Citizen Manifesto, uMnu. George Makoni owe Centre for Community Development in Zimbabwe Advocacy, uMnu. Nyasha Frank Mpahlo osebenzela iTransparency International – Zimbabwe, uMnu. Gamuchirai Mukura owe COTRAD lo Mnu. Farirai Gumbonzvanda owe Rosaria Trust.
Abantu laba babotshwa kulokufuthelana elizweni lehungahunga lokuthi umongameli emmersona mnangagwa engaba evalelwe ngabanye bakhe asebefuna ukuthi asuke esihlalweni ngoba esehluleke ukuvuselela umnotho welizwe.
Lokhu kwenzakala njalo kulembiko ethi uzulu usefuna ukungena ezitaladeni etshengisela ukonakala komnotho welizwe.
Iphephandaba le The Herald lithi lilobufakazi bokuthi ababotshiweyo laba babamba umhlangano leziphathamandla zikahulumende wele Melika kwele South Africa kwenye ihotela kukhulunyiswana ngokugenqula uhulumende. Kodwa abantu laba bayakulandula lokhu.