Izakhamizi zakoBulawayo zithi bekungahlalisekanga kulelidolobho izolo, abantu bengakwazi ukuthi ngempela intengo yemafutha ezimota ikhwelile kumbe hayi, okubangele ukuthi inengi liswele imota zokuhambisa ekuseni, njalo abanye bezame ukukhweza imbadalo yezinye impahla.
Umphathintambo kahulumende obona ngezamandla amagetsi uMnu. Fortune Chasi, uhlangane labathengisa amafutha ezimota kuthange, wagcizelela isinqumo se cabinet esokuthi intengo yamafutha ezimota ingakhutshulwa, kanye lokuthi abantu bengabanjwa ngamandla ukubhadalela amafutha ngamadola eMelika.
Izakhamizi zithi ukukhuphuka kwentengo yamafutha kungabangela ubunzima obukhulu njengoba imbadalo yempahla ezitolo ivele isiqongile, amandla amagetsi kanye lamanzi esilela, njalo kungelamisebenzi elizweni.
Ukuze sizwe okunengi ngaloludaba, uSithandekile Mhlanga weStudio Sixoxe loMnu. Austin Nkomazana, umabhalane wogatsha olubona ngezamabhizimusi kunhlanganiso yeBulawayo Progressive Residents Association.
