UMongameli weMelika uMnu Donald Trump ufike kweleBhilitani izolo elomkakhe uMelania kuhambo lwakhe lokwethekelela ilizwe lelo okwamalanga amathathu.
UTrump uqale ngokuyabona iNdlovukazi, uQueen Elizabeth, esigodleni sakhe seBuckingham Palace.
Efika nje uhle wachothoza umeya wedolobho leLondon, uMnu Sadiq Khan, enkundleni yeTwitter, esithi kakwazi umsebenzi.
Uhambo lukaTrump ngolokuqinisa ubudlelwano phakathi kwelizwe lakhe leleBhilithani. Ubudlelwano lobu buvela kude.
Kodwa isizalwane seZimbabwe esihlala kweleBhilitani, uMnu Difa Dube uthi ngenxa kaTrump ohlala echothoza ngitsho leziphathamandla zakweleBhilithani, ubudelwano phakathi kwamazwe womabili abusoze bafa babuyela ezingeni elalikubo ngesikhathi kusabusa uMnu Tony Blair eNgilandi loGeorge Bush eMelika.
Ababili laba babezwana okwamagama njalo bahlasela kweleIraq bebonke bagenqula umbuso kaMnu Saddam Hussein.
