Sokuzafika umnyaka uMongameli Emmerson Mnangagwa kunye lomkhokheli webandla leMDC, uMnu. Nelson Chamisa besithi bayafuna ukwenza inkulumo ezingaqeda indubo eziselizweni kodwa kungenzakali lokhu.
Inengi lilethemba lokuthi ababili laba bengahlala phansi bakhulumisane kuzakuba lenguquko kwezomnotho welizwe oqhubeka usiya nganxele.
Abababili laba bayaxophana bengani bathi ozaqala isiziba ngubani? Abanye ngabathi inkulumo akumelanga zilethe uhulumende womanyano kodwa abanye njalo ngabathi kumele kubinjwe uhulumende wesikhatshana kusalungisiswa umnotho welizwe.
Kambe kungaphathisani ukuthi uMnangagwa loChamisa bahlale phansi bakhulume? Ukuhlaziya loludaba sixoxe lolwela ilungelo likazulu, uMnu. Bekezela Maduma Fuzwayo endawonye lesikhulumeli somkhokheli webandla leMDC, uMnu. Nelson Chamisa onguye osungula lingxoxo.
