amalinks wokungena

Breaking News

ARTUZ: Uhulumende kaMnangagwa Usephenduke Waba Ngumhlukuluzi Wababalisi


lnhlanganiso yababalisi bemaphandleni eyeAmalgamated Rural Teachers Union of Zimbabwe ithi uhulumende kaMongameli Emmerson Mnangagwa usephenduke waba ngumcindezeli lomhlukumezi wezisebenzi.

Unobhala walinhlanganiso uMnu Robson Chere utshele amalunga enhlanganiso ezitshiyeneyo kweleSouth Africa ngoLwesine ukuthi njengenkokheli zeARTUZ sebephilela evalweni kulandela izehlakalo ezithile zokuthunjwa, ukutshaywa lokubotshwa mahlayana kwenkokheli zalinhlanganiso.

Uthi icala labo ngelokufuna ukukhwezelwa iholo lokulithola lelo holo.

Umkhokheli walinhlanganiso uMnu Obert Masaraure uthunjwe ngabantu abangaziwayo emzini wakhe eHarare wayabonakala esebangwa lezibi elamanxeba okubhaxabulwa kabuhlungu kunsukwana ezisanda kwedlula.

UMnu Chere uthe sekulokwesaba okukhulu ngoba kuzingelwa ababalisi abanengi kanti abanye bayethuselwa ngokuthi batshiye umsebenzi ngoba nxa kungenjalo bazawukhomba olotshwala.

Laye ngokwakhe uthi usephuma khona kulimbenge yamalahle.

“Ngathunjwa zinhloli zikahulumende ezikubutho zithwele amaAK 47, zizivale ubuso, ngahlukunyezwa ngasengisiwa emapholiseni sengisetheswa icala lokutshaya inhloli lezi,” kutsho uMnu Chere.

please wait

No media source currently available

0:00 0:02:55 0:00

Facebook Forum

XS
SM
MD
LG