Umongameli Emmerson Mnangagwa uveza uNkosikazi Grace Mugabe njengomhuquluzi wenotho olamapulazi alitshumi lasikhombisa.
Ekhuluma lomsakazo we Capitalk FM eHarare izolo uMnangagwa uthe uhulumende uphakathi kokucwayisisa abathola amapulazi amanengi ngenjongo yokwaba kakutsha.
UMnangagwa uphendule imibuzo eminengi ngendaba ezitshiyeneyo.
Kwezomnotho uthe eleZimbabwe lehluleka ukungena kumanyano we Rand Union ukuthi ilizwe lisebenzise imali yohlobo lwe Rand ngoba alenelisanga ukusuthusa imithetho yokungena ku union le ekhokhelwa ngele South Africa.
Kodwa uMnangagwa uthe imali yohlobo lwe bond iqine ukwedlula imali yamazwe amanengi kakhulu nxa iqathaniswa ledola leMelika.
Sixoxe lengcwethi ecubungula ezombusawe, uMnu. Edwin Ndlovu njalo eyisiphathamandla sebandla lemdc ukuze sizwe imbono yakhe ngaloludaba.
