amalinks wokungena

Breaking News

Ukukhwela Mahlayana Kwentengo Kwenyuse Isilinganiso seInflation Safika Phose Kukhulu


Isilinganiso sokukhwela kwentengo yokudla lempahla etshiyeneyo ezitolo, i-inflation, sikhuphuke ngezinga elesabekayo ngenyanga edluleyo safika phose kukhulu, 97, 85 percent nxa kuqathaniswa lanyakenye ngesikhathi esifanayo.

Ugatsha lweZimbabwe National statistics Agency (Zimstats) lwazise ngoMvulo ukuthi intengo zikhuphuke njalo ngesilingaliso esingena kumatshumi amabili lanye ekhulwini, 21.99 percent, phakathi kukaMabasa loNkwenkwezi.

Intengo yesinkwa yona ikhuphuke ngoMvulo isuka ku$3, 40 yaya ku$4, 25 lanxa singatholakali isinkwa ezitolo.

Ukukhwela kwentengo yezinto sokuyinsakavukela ngenxa yokugugudeka kwedola leZimbabwe nxa liqathaniswa leleMelika.

Lokhu sokubangele ukuthi abantu abanengi badle imbuya ngoluthi njalo sokudale ukufuthelana okukhulu elizweni.

Ingcwethi kwezenotho uMnu Reggie Shoko utshele umsakazo weStudio 7 ukuthi ukutshabalala komnotho sokulethele uzulu weZimbabwe ubunzima obumangalisayo.

please wait

No media source currently available

0:00 0:02:21 0:00
XS
SM
MD
LG