Umongameli Emmerson Mnangwa, okwele Mozambique emhlanganweni we US – Africa Business Summit, usekhuthaze amazwe ezwekazi le Africa ukuthi asebenze ndawonye.
UMnangagwa ubekhuluma phezu kwesivumelwano esithiwa African Continental Free Trade Agreement esikhangelelwe ukuqinisa ubudlelwano bamazwe ezwekazi le Africa.
UMnangagwa utshele onozindaba ukuthi ube lomhlangano omuhle njalo othembisa ubudlelwano obuhle leleMelika ngemva kokuhlangana lesiphathamandla sikahulumende weleMelika, uMnu. Tibor Nagy.
Kodwa uNagy yena uthi utshele uMnangagwa ukuthi kumele amasotsha abulala abantu nyakenye lasekuqaleni komnyaka kumele bajeziswe.
Eloba ebulenjini be twitter, uNagy uthe uphinde watshela uNnngangagwa ukuthi kumele abe lenhlelo ezibalulekileyo ezokuvuselela umnotho welizwe.