Namuhla sigqiba uhlelo lwethu lapho kade sixoxa ngembali yebandla le Zapu abanye abathi kayibekwa kuhle ezikolo okokuthi abasakhulayo abayazi kahle sixoxa loMnu. Max Mkandla owalwa impi yenkululeko ekubutho le Zipra.
UMkandla uthi imbali ekhona kathesi kayihlelekenga kahle.
"IZanu yadliwa ngo 1980 bayinika abanikayo. Kayizange iwine. Ngalokho ke akusoze kube kukhulunywa nge Zanla le Zanu, ngoba balungile nxa bekhuluma ngembali yabo bengakhulumi ngokwelizwe bekhuluma ngokwe party," kutsho uMkandla.
Wengezelele esithi ibandla labo yibo elibangela ukuthi kuphuma imbali engaqondanga. Uthi impi enkulu yalwiwa yi Zipra hatshi iZanla.
UMkandla uthi iZpra yayile viyo layo elafundiwa ukulwa emadolobheni kodwa iZanla yona yayingela leliviyo njalo enye inkokheli ye Zipra ebalisa umuyi uDabegnwa yalwa icedisana lebutho le South Africa eloMkhonto we Sizwe.
UMkandla uthi isivumelwano esabakhona phakathi kwe Zanu le Zapu sasingesokuqilibezela iZapu njalo singesokuqeda ukubulawa abantu ngesikhathi se Gukurahundi.
