Intathelizindaba zithi umthetho omutsha olawula ukuthatshwa kwendaba, othiwa Freedom Of Information ozelama obuthiwa Access to Information and Protection of Privacy Act awusoze uphathise ekwethulweni kwendaba okukhululekileyo.
Ukuhlaziya udaba lwe Freedom of Information Bill, uSithandekile Mhlanga weStudio 7 uxoxe loMnu. Njabulo Ncube, okhuluma emele inhlanganiso yeMedia Alliance of Zimbabwe.
UNcube ukhulume emele enhlanganiso ezitshiyeneyo ezigoqela iMedia Monitoring Project of Zimbabwe, iMedia Institute of Southern Africa, Voluntary Medai Council, Media Centre, Gender Media Connect le Zimbabwe Editors’ Forum.
Uthi badanile ngomthetho lo ngoba bake bahlangana leziphathamandla zikahulumende bakubeka sobala ukuthi bafuna umthetho omutsha ube lani.
“Kodwa kukhanya ukuthi iAIPPA yonale esusiweyo ibuyiselwe kodwa yagula amabala. Akula lutho oluguqukileyo kodwa kukhanya bafake okwabo kade bevele bekuhlosile,” kutsho uNcube.
Uthi kuzakuba lokuhlukuluzwa okuzaqhubeka nxa ukhangele lumthetho.
UNcube uthi kunengi ababefuna ukuthi kufakwe emthethweni lo okufana lokuthi nxa intathelizindaba ifuna ukulobisa ukuthi iphiwe incwadi zokusebenza kumele ziveze ukuthi zafunda ngaph lokunye.
