Namhla sisungula inhelo zeviki lonke lapho esizaxoxa lengcwethi kwesombusazwe sizibuza ngokuthi kwenziweni ukuhlenga umnotho welizwe? Umqalisiziba nguMnu. Bekithemba Mhlanga.
UMhlanga uthi: “Into ekhona yikuthi izizalwane zeZimbabwe kumele ziqale zivume ukuthi sesidubeke kakhulu ngoba ukudubeka okwedlula amatshumi amabili aso sikhathi esifitshane leso esokudubeka.”
Uthi kungaba kukhona ukuxabana kodwa ithuba selikhona ukuthi kuqalwe katsha ukuze kuyiwe phambili.
Umhlanga uthi kumele sivume ukuthi umongameli nguMnangagwa njalo omphikisayo nguChamisa besekusithi okwenzakala phambili kube ngokunye.
Uthi kumele abantu bavume ukuthi okokhetho olwedluleyo sokwedlula siqalise ukukhangela uhulumende kukhangelwa okwenzkalayo.
“Ukuthi lowu ame athi angisoze ngikhokhele idale elikhona … amadoda asesikhundleni ayazi ukuthi ngokusemthethweni yibo okuthiwa banqoba,” kutsho uMhlanga.