Kuhlelo lwethu lapho esixoxa khona lengcwethi ezicubungula ezombusazwe namhla sixoxa loMnu. Bekezela Maduma Fuzwayo othi yena kaboni ukukhulumisana kwabamandla ezombusazwe kuphathisa ekuxazululeni inkinga zelizwe.
UFuzwayo uthi: "Ipolitics zelizwe yizo ezingaphathi kuhle ieconomy yelizwe, ibe isicina isifa. Kodwa lona ilizwe lilenotho yonke engayenza ukuthi siziphilele kuhle njengabantu be Zimbabwe ngendlela esasiphila ngayo, sorry ukukutsho lokhu, ngesikhathi ilizwe liphethwe ngamabhunu."
UFuzwayo uthi konke kwakuhamba kahle amakhiwa ekwazi ukuphatha umnotho welizwe.
Uthi okumele kwenziwe uyikuguqula ingqondo zababusi ngoba indlela abasebenza ngayo yiyo ebulala umnotho ngobusela, amanga lobugwelegwele obutshiya amankampani kahulumende engasasebenzi kahle.
Ekulungiseni ilizwe uFuzwayo uthi: "Into yokuqala sibili ekhona, nga kuyavuma, angazi ukuthi kuzaze kube nguwuphi umnyaka, njengoba laba betshengisela ukuthi bayehluleka ukuphatha ilizwe, nxa kuvuma sibili akutshintshwe uhulumende sibone ukuthi abanye abazangena kambe ilizwe leli bazaliphatha njani?"
