amalinks wokungena

Breaking News

Lanxa Kulokudubeka Elizweni Abanye Bathi Phambili Le Zanu PF Kuphela


Amalunga ebandla le Zanu PF
Amalunga ebandla le Zanu PF

Ngesikhathi inengi lisithi lithwele amagabha avuzayo ngokubhidlika komnotho welizwe, inengi elithi kubangelwa yikwehluleka kukahulumende webandla le Zanu PF lamalunga alelibandal wona athi ayalisekela lelibandla.

Bakhona abasekeli bebandla leli okugoqela inkokheli yamanye amazwe angentshonalanga abalisa ele Bhilitane lamanye, ababeth bazakupha uhulumende omutsha ithuba lokubusa bebone ukuthi bengasekela yini luhulumende.

Kodwa abanengi badedela emuva besithi kulempawu ziahulumende owayekhokhelwa nguMnu. Robert Mugabe.

Bakhona abalokhu besithi basekeli imizamo eyenziwa ngumongameli Emmerson Mnangagwa eyokuthuthukisa umnotho welizwe lanxa ubuyanga busiya busanda abantu besehluleka ukondla imuli ngenxa yokomo komkhathi wezomnotho.

Ukuze sizwe okunengi ngaloludaba, uSithandekile Mhlanga weStudio 7 uxoxe lesiphathamandla sebandla le Zanu PF, uMnu. Joseph Tshuma waqala ngokumbuza ukuthi uthini ngalabo abathi kufanele uMongameli Emmerson Mnangagwa atshiye intambo zombuso adedele abanye ngoba yena esehluleka?

"Ungakhangela ever since uMongameli uMnangagwa engenile, usezamile ukufaka izinto ezenza ukuthi kukhanye ukuthi ufuna ukuthi kube lobubelo ebantwni," kutsho uTshuma.

Uthi usekhuphe lemithetho emibi efana labo AIPPA njalo wakhulumisana lamazwe afana labo Bhilitane ababengasakhulumisane lelizwe le Zimbabwe.

UTshuma uthi bakhona abantu abafuna ukuthi kuqhubeke kulobubi elizwebi ngoba lokhu kwenza bethole imali evele kwamanye amazwe.

Uphe njengesibonelo yena owanqontshwa kukhetho lokudinga ummeli wedale lephalamende kodwa uyenelisa ukuziphisa kungela okumphathisayo okuvela kwezombusazwe.

"Yikuthi nje labantu sesithanda ukusola lalapho okungasoleki khona, siphikisa lalpho okungaphikiseki khona sesisehluleka ukubona lento enhle ngenxa yokuthi seligcwele ngenzondo kuphela," kutsho uTshuma.

please wait

No media source currently available

0:00 0:03:59 0:00

XS
SM
MD
LG