amalinks wokungena

Breaking News

Isilinganiso SeInflation Siyaqansa Sifike Kusibanga Esesabekayo


Isinkwa Asisatholakali Lula.
Isinkwa Asisatholakali Lula.

Isilinganiso sokugugudeka komnotho, iinflation sibikwa sesiqansile sisuka kumatshumi afika phose ikhulu, 97.85 percent sayafika phose kumakhulu ambili, 175.66 percent.

Lokhu sokutshiye ingcwethi kwezomnotho zisithi isimo somnotho welizwe sesiphose sifike kwesomnyaka ka 2008 lanxa impahla zingaqali ukunyamalala ezitolo njengalokhu okwenzakala ngalesi sikhathi intengo isihahabela khona. UChris Gande uyalandisa.

Ngakwelinye icele, iholo lezisebenzi lokhu lingakhuphuki osekutshiye inengi lisebunzimeni.

Uhulumende wakhweza iholo labakubotho wathembisa ukwenza okufanayo kuzisebenzi zakhe zonke.

Kodwa amatitshala athe asiya emabhanga athola dolololo, iholo alikhwelanga osekutshiye udaba lokutshengisela solusobala.

Umgcinisihlalo wenhlanganiso elwela ilungelo lezisebenzi, eye ZCTU esigabeni se Western Region, uMnu. Ambrose Sibindi uthi izisebenzi zizonde ziganunwabu.

Esinye isakhamuzi sako Bulawayo uNkosikazi Duduzile Nyathi uthi udubo lokhu lusiya luqhela.

Owancintisa isikhundla sokuba lilunga ledale lephalamende ko Bulawayo, uMnu. Josphat Mzaca Ngulube uthi abantu sokumele basukume batshengisele.

Ingcwethi ecubungula ezomnotho, uMnu. Masimba Kuchera uthi nxa kukhangelwa umumo okhona isilinganiso se inflation siphezulu kulaleso esikhulunywayo.

Ngeviki ezayo kulenhlanganiso zezisebenzi ezithi zizatshengisela zisola ukungaphathi kuhle ezomnotho okwenziwa nguhulumende.

please wait

No media source currently available

0:00 0:05:04 0:00

XS
SM
MD
LG