WASHINGTON DC —
Izakhamizi zako Bulawayo ngoLwesihlanu zingene ezitaladeni zitshengisela zisola ukuqonga kwentengo ezitolo, ukungakhweli kweholo lezisebenzi lokunye okuphathelane lomnotho welizwe.
Kodwa amapholisa aphange abopha abanye babo abangafika amatshumi amathathu okubalisa obekhokhela ukutshengisela lokhu, uMnu. Josphat Mzaca Ngulebu lanxa wayelobele amapholisa incwadi yokucela imvumo yokutshengisela.
Amagwetha amela ababotshiweyo laba, awenhlanganiso ye Abammeli Lawyers for Human Rights athe abengakaziswa ngokubotshowa kwabantu laba.
Amapholisa lawo alile ukukhuluma le Studio Seven.
Kodwa uChris Gande weStudio Seven uxoxe lomunye wakade betshengisela, uMnu. Raymond Phiri ukuze sizwe okuenengi ngaloludaba.