amalinks wokungena

Breaking News

Amakhansila eMDC Anqolongwe Yinkokheli Yebandla Lawo eHarare Phezu Kodaba lukaKambarami loDube


Bulawayo City Council

Amakhansila eMDC koBulawayo azakuya eHarare namuhla ngemva kokubizwa yikhokheli yebandla leli ukuthi azechasisa ngengxabangxoza eqhamuke kulelidolobho ngeviki edluleyo lapho umsekeli kaMayor uMnu Tinashe Kambarami axotshe khona umabhalane wekhansili uMnu Christopher Dube umsebenzi.

Ngakwelinye icele, iqula elithunywe nguhulumende ukuyacubungula loludaba lifika namuhla koBulawayo.

UKambarami lokhansila Silas Chigora babotshwa phezu kwaloludaba bamiswa emthethwandaba besetheswa icala lokutshaya uDube njalo bakhululwa ngesibambiso sebail.

Abanye ababikwa baphatheka ekuhlukuluzeni uDube ngokhansila Felix Mhaka, uClayton Zana, Tawanda Ruziwe, Pilate Moyo, Lilian Mlilo, Batirayi Dube loFrank Jabangwe.

UMnu Dube yena sebuyelile emsebenzini ngemva kokungenela kweMDC lanxa uKambarami ebikwa ebelokhu esala lezihluthulelo zehofisi yakhe.

UMnu Kambarami umiswe njalo emthethwandaba kuliviki kudaba olukhwezwe yinhlanganiso ye1893 Mthwakazi Restoration, yona ethi wayengamelanga abe ngukhansila ngoba wake wafunywana elecala lokuntshontshwa wagwetshwa.

Umgcinisihlalo wenhlanganiso yeBulawayo United Residents Association uMnu Winos Dube uthi yibo ababize iqula likahulumende elifika koBulawayo namuhla ukuthi lizoxazulula ingxabangxoza ekukhansili.

Facebook Forum

XS
SM
MD
LG