amalinks wokungena

Breaking News

Bekithemba Ndlovu: iHighlanders Izayitshaya iManica Diamonds ngeSonto


UBekithemba Ndlovu
UBekithemba Ndlovu

Umsekeli kamqeqetshi weqembu le Highlanders uBekithemba Ndlovu uthi ulethemba elokuba abagadli beqembu lakhe bazenelisa ukulitshayela emambuleni kulimpelaviki lapho leli qembu elivakatshela khona ele Manica Diamonds.

Iqembu le Highlanders lingena kumidlalo yangempelaviki lihlezi endaweni yetshumi lane njalo lilemiklomelo elitshumi lesithupha kodwa umsekeli kamqeqetshi waleliqembu uBekithemba Ndlovu uthi yena leliqembu belidlala kuhle kakhulu kumidlalo eyedluleyo kodwa okusilelayo yikuba abagadli belitshayele emambuleni.

Umfoka Ndlovu utshele intathelizindaba zemidlalo ukuba ukhangelele ukuba ekuvakatsheleni kwabo iqembu elingene lonyaka kusigaba saphezulu ele Manica Diamonds ngeSonto enkundleni ye Vengere amasango azavuleka.

“Sidlala kuhle kakhulu kodwa abagadli bethu basuka bajahe bengaba phambi kwegedi kodwa ngeyinye imini bazaqala ukuhlohla njalo lokhu sekungenzakala emdlalweni wethu leqembu le Manica Diamonds,” kutsho uNdlovu.

Imidlalo yeviki letshumi lanhlanu yona iyaqala kusasa ngoMgqibelo lapho iqembu le Chicken Inn elizadibana khona lele Bulawayo Chiefs enkundleni ye Luveve.

Lumdlalo ukhangelelwe ngabanengi abalandela amakhasi alawa maqembu awe twitter njengoba kuyinjayelo ukuxhophana lokunyonkolozana phakathi kwamaqembu womabili ebulenjini.

Kweminye imidlalo yangoMgqibelo iqembu le Herentals lizadlala lele Hwange ngase National Sports Stadium, Iqembu le ZPC Kariba lizemukela ele Triangle ngase Nyamhunga, iqembu le Ngezi Platinum Stars lizangqikilana lele Black Rhinos ngase Baobab kuthi iqembu elihlezi phezu kwengalane yemiklomelo okuyilo njalo eliphethe isicoco se ligi ele FC Platinum lizadlala lele Chapungu ngase Mandava.

Kweminye imidlalo yangeSonto iqembu le Dynamos lizadibana lele Caps United ngase Rufaro, iqembu le TelOne lizadlala lele Mushowani Stars ngase Luveve.

please wait

No media source currently available

0:00 0:02:20 0:00

XS
SM
MD
LG