Namhla kuhlelo lwethu lwendaba eziphathelane labesifazane sixoxa loNkosazana Sethulo Ndebele umgcinisihlalo wogatsha lwabesifazane kubandla leMDC esigabeni seMatabelaland North.
UNdebele uchasisa ngabakwenzayo ukuphathisa abesifazane kunye labantwana.
Uthi: "Esikhathini esinengi uzathola ukuthi uhlupho lokuthi sithole ama birth certificate lubanzima. Lubangelwa yikuthi abafowethu labantwabethu labazukulu abanengi ngabantu abayabe besebenzela ikakhulu eGoli besebeletha abantwana ekhaya. "
UNdebele uthi kubanzima ukuthi ogogo abayabe betshiyelwe abantwana laba bayethathela ama birth certificate.
Kodwa uthi baphakathi kohlelo lokukhulumisana labosobhuku ukuthi kube labafakazi baphathise abantwana laba.
Uthi lokhu bakwenza nje bengakhethi ukuthi abazali babantwana laba ngabasekela ingqe libandla.
Kwezomnotho welizwe uthi: :Umnotho welizwe uvele uyasihlukumeza sonke ikakhulu emakhaya. Uzathola ukuthi lasezibhedlela akula mithi. Kuyathiwa yisibhedlela uye ema pharmacy kodwa imali yakhona khonapho uyabe ungelayo. Inengi lethu lisemakhaya lemasimini asitholanga lutho ukuthi uthengise ibhakede."
UNdebele uthi sebemangaliswe yikuzwa ukuthi kulamaphilisi lemithi ezalethwa esigabeni se Lupane lapho osekuzenziwa khona ukhetho.\
