Ukubotshwa komphathintambo wezokwethekelela, uNkosikazi Prisca Mupfumira sokutshiye abanye besithi mpela uhulumende uqinisile ukuthi ufuna ukuqeda amacala enkohlakalo, icorruption.
Kodwa abanye bathi yize leze ngoba sokuke kwabotshwa ezinye iziphathamandla zikahulumende kodwa zingagwetshwanga okuya ngaphi.
Ukuhlaziya loludaba sixoxe labafundisi ababili, uRaymond Motsi endawonye lo ThandeKo Zinti Mkandla onguye osungula lingxoxo.
"Nxa kuyikuthi siyafunda embalini angiboni ukuthi uhulumende lo engaba elesifiso lamandla lomdladla ledlabuzane lokuthi alwisane lenkohlakalo ngoba asikaze sibone oyedowa loba ngu Chombo owaya emthethwandaba wagwetshwa," kutsho uMkandla.
Uthi ukukhuluma bengakhuluma kodwa okunengi sizakucela sokuvuthiwe. Wengezelele esithi lokhu kungaba yikwenza nje ukuthi kukhulunywe ukuthi uhulumende kukhona akwenzayo.
UMotsi uthi laye kaboni ukuthi baqinisile ukuthi bafuna ukulwisana le corruption.
"Asiboni ukuthi icorruption iyaphela ngenxa yokuthi umuntu oyedwa uyabotshwa. Okuqeda icorruption yizimiso lamanyathelo uhulumende angawafaka ukuthi kuqedwe icorruption," kutsho uMotsi.
