amalinks wokungena

Breaking News

UMnu Chamisa Ukhuthaza Uzulu weLupane East Ukuthi Avotele uDalumuzi Khumalo weMDC Kukhetho Lwephalamende


(FILE PHOTO) Movement for Democratic Change (MDC) supporters hold a poster of leader Nelson Chamisa during the party's 19th-anniversary celebrations in Harare, Zimbabwe, Saturday, Oct. 27, 2018.

Umkhokheli weMDC uMnu Nelson Chamisa ngoMgqibelo ukhuthaze uzulu weLupane East ukuthi avotele ilunga lebandla lakhe, uMnu Dalumuzi Khumalo, kukhetho lokudinga umeli walesisigaba edale lephalamende oluzakwenziwa ngeviki ezayo mhlaka 3.

UMnu Khumalo uzancintisana labameli bamabandla atshiyeneyo abagoqela uMnu Mbongeni Dube oweZanu PF. Isigaba seLupane sisele singelameli ephalamende ngemva kokufa kukaNkosikazi Sithembile Gumbo oweZanu PF ngoMabasa.

UChamisa utshele inkulungwane zabantu abaphatheke emihlanganweni ayenzele kulesisigaba ukuthi kumele bavotele uKhumalo nxa befuna intuthuko.

Wengeze wathi ukuvotela iZanu PF yikudlala ngesikhathi ngoba lelibandla selitshengise sobala ukuthi kalenelisi ukwakha ilizwe.

please wait

No media source currently available

0:00 0:01:09 0:00

Ngakolunye uhlangothi abebandla leZanu PF labo babe leyabo imihlangano yokudinga usekelo esigabeni esifanayo.

Komunye umhlangano ibandla leli liqhube uhlelo lokufundisa abesifazana ukupheka isinkwa, libakhuthaza njalo ukuthi bavotele uMnu Dube.

please wait

No media source currently available

0:00 0:00:27 0:00

Facebook Forum

XS
SM
MD
LG