Kuqhamuke Ingxabangxoza Iphalamende Yavalwa Ngemva Kokuba uShiri Ethe 'Amalunga eMDC Zindwangu'

Kuqhamuke ingxabangxoza lokufuthelana okukhulu edale lephalamende ngoLwesithathu ngemva kokuba umphathintambo obona ngezokulima uMnu Perence Shiri efananise amalunga ebandla leMDC lendwangu lenkawu.

UShiri ubephendula imibuzo ephathelane lokutshaphazwa kwemali engena ku$3 billion phansi kohlelo lweCommand Agriculture.

Ebuzisiswa ngamalunga eMDC ukuthi imali le yasetshenziswa njani kahle-kahle, uMnu Shiri uthe yaphiwa abalimi kwathi enye yaya kugatsha lweGMB.

Kodwa abeMDC bathe kabasuthisekanga ngengcazelo yakhe basebecela ukuthi uMnu Shiri aphenduke edale ngolunye njalo usuku azechasisa okunengi ngaloludaba.

Ephendula, uMnu Shiri uthe ulethemba lokuthi ubengakhulumi lendwangu lenkawu. Ngakho, uthe abeMDC laba kumele babe besuthisekile ngengcazelo yakhe.

Lokhu kucunule kakhulu amalunga eMDC avungama usomlomo wephalamende waze wachitha idale lingakaqedi inhlelo zalo zosuku.

Omunye wamalunga ebandla leMDC abesephalamende uMnu Prince Dubeko Sibanda utshele iStudio 7 ukuthi baphatheke kabi kakhulu ngamazwi kaShiri.

Embed share

Ingxoxo loMnu Prince Dubeko Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Lumsakazo wehlulekile ukuhuluma loMnu Shiri.